بسم الله الرحمن الرحيم

السلام عليكم ورحمة الله وبركاته

مساء / صباح الخير والرضى والعافيه....

إهـداء الى موطني ( حايـل ) وقبيلتي ( شمـر ):

يقول الشاعر العربي/

تحن الكرام إلى ديارهـا

حنين الطيور إلى أوكارها

أبيات من الجديد أرجوا أن تعانق رقاب أذواقكم وتصافح أكف رضاكم:


هب الهوى واهتزّت اغصـون القصيـد
و ناحت طيور القاف في روض الكـلام
تنخاني أوراقـي علـى الشْعـر الفريـد
و سلّ القلم مـن طابقـه فَزْعَـة كـرام
أَفْتَـح خفوقـي والفكـر مـدّه زهـيـد
وأَحْرَق ضلوعي مـن تصاويـر المـرام
أَصْهَر شعوري مَثْـلَ مصْهَـار الحديـد
وأَفْرَش بسـاط العَقْـل وأَعْتَبْـرَه منـام
وأَحْلَم مع الهاجس علـى ذَكْـر النشيـد
و تَرْتَحْلَ روحي مَثْـلَ تَرْحَـال الحمـام
لا طار من عشّه علـى الصبْـحَ الجديـد
من فوق هامـات الشَجَـر بالجـوّ حـام
يـمّ الـديـار الـلـي وداده بالـوريـد
حبّ الوطن بَقْلوبنا من عصْـرَ سـام*1
طَبْـعَ البشـر تَعْشَـق رباهـا لـو يبيـد
من هـام فـي داره مَعَـهْ عَـذْرَ الهيـام
واليوم أنا اهيامـي علـى داري رغيـد
حبّي لحايل قصّة ( الوَعْـي و حَـلام )
هي مَزْبَن املوك العـرب يـوو النكيـد
يَشْهَد لنا ابْـنَ القيـس يـوم أنّـه يظـام
خَصْمـه علـى ملكـه يهـدّد بالوعيـد
وزْبَن على حايل ونال ( أمْن و سَلام )*2
و عنتر من أشجاع العرب عوق الضديـد
تاه و نوى الدار ولقـى موتـه ظـلام*3
حايـل رحيـق الجـود والعـزّ المجيـد
دَفْـوة حشـاي و لهـا نفسـي زمــام
بَسْماه صـورة حاتـم ( الشَهْـمَ الحميـد
للي وصل ضميـان وعروقـه صيـام )
بالمـوقـده نــاره شَعَلْـهـا للبعـيـد
لأجل أنّها للضيـف تَوْجيـه و عـلام*4
وبأرض الجبل صورة لحيقـات الطريـد
خيـل الطنايـا يـوم يَكْتَـضّ الـزحـام
تاريـخ شمـر صورتـه بالحيـد حيـد
حيد الشموخ اللي لنا : ( تاج و وسـام )
هـذا جبـل شمـر بعيـنـي مستشـيـد
ربعي و حايـل موطنـي رأس وسنـام
اجبالهـا تحكـي لنـا المـجـد التلـيـد
وسهالهـا تحفـظ لنـا اعْظَـام العِظَـام
بي حبّها نَخْلَه لهـا ( جَـذْع و جريـد )
أصْلَـه بقلْبِـي سامـق و لا هـو عـدام
فَرْعَه على الدار و صفى أحساسي نضيد
يَسْقط على سَفْح الجبل شَجْـنُ و غـرام
عشقي لها مـن يـوم أنـا تـوّي وليـد
ورْبَـى معـي وإزْدَاد عـامٍ بَعْـد عـام
و مدّيت جَسْمـي بالغـلا جَسْـرٍ مديـد
يَعْبـر عليـه الشـوق منّـي بالتـمـام
حتّى يجـي مـن فـوق حايـل يَسْتزيـد
ثَـمْ ينْتَثِـر فـي حَضْنَهـا وَرْد وغمـام ...





مع خالص تحياتي ( مـــــــهــا الـــــــشمري ) .

فديتك يابنت العم الله لايحرمني منك