¨°o.O خل التغلي ياحبيبي على جنب ماكبير إلا الكبير O.o°¨

[size=29]إيه افتخر خذ راحتك دامك تبي نفسك كبير . .
من قدنا ياقلب نتعامل . . مع الناس الكبار . . .

تدري وش اصل المشكله يا لابس الثوب الحرير . .
المشكله انك نسيت . . أن البشر اصله غبار . . .

صحيح ما انكر وإذا انكرت انّبني الضمير . .
إن الحلا عقدٍ فجيدك . . والدلع فإيدك سوار . . .

وانك مثير بكل شي حتى الزعل عندك مثير . .
وإن الصبايا كلها . . من نظرة عيونك تغار . . .

واللي يريد يغير منك مايفيده لو يغير . .
والله ما يشفي غليله . . منك كود الإنتحار . . .

بس ويش يعني لو طلع مالك شبيه ولا نظير . .
يعني جميع الناس ذولي . . مالهم اي اعتبار . . .

حتى أنـــا ما امليت عينك لا حبيبي مايصير . .
وشلون اجل حنا حبايب . . كل واحد له مسار . . .

تدري بغلاتك ما يفيد اللغو والهرج الكثير . .
تدري احبك وإن حبك . . اول واخر قرار . . .

وتدري إذا ناديتني انسى الزمن كله واطير . .
وتدري غيابك يشعل الأشواق . . في قلبي شرار . . .

وتدري معك مفتاح قلبي وانت من فوقه أمير . .
سلمت لك قلبي بايديني . . بس من دون اختيار . . .

وتدري معك ماشي ولا ادري إلى وين المصير . .
وتدري من عنادك . . اشوف النجم في عز النهار . . .

واشوف حبك مثل عالم حر في عين الأسير . .
لا قادر يطوله ولا يدري . . وش آخر الإنتظار . . .

واشوف حبي لعبةٍ يلعب بها طفلٍ صغير . .
كسر ودمر لعبتك . . دامك تلذذ بالدمار . . .

بس لا تحسب يوم بأترجاك أو خلفك باسير . .
راسي واعرفه ياحبيبي . . ماتعود الأنكسار . . .

إن كان في حبك مذله زيح عن جوّي وطير . .
عند الكرامه اشتري نفسي . . بعزه واقتدار . . .

قل لي غبي ولا جري ولا ولد عقله صغير . .
قل مآ تبي هذي الحقيقه . . قلتها لك بإختصار . . .

كثير حبوني وأنـــا حبيت في الدنيا كثير . .
بس كلهم عندي . . سوى مابه كبار ولا صغار . . .

خل التغلي ياحبيبي ماكبير إلا الكبير . .
وان كانك مصمم ترى . . حنا بعد ناس ٍ كبار . . .

[/size]

يعطيك العافيهـ يالغلا